"Ливерпул"нинг собиқ ҳимоячиси Жейми Каррагер ўзининг собиқ жамоадоши Стивен Жеррард ўйин сифати бўйича яна икки афсонавий инглиз футболчиси – Пол Скоулз (“Манчестер Юнайтед”) ва Франк Лэмпард (“Челси”)дан устун бўлганини ҳақида фикр билдирди.

"Одамлар мени Лэмпард ва Скоулзни ёқтирмайди деб ўйлашади, лекин гап келганда мен: "Улар ажойиб ўйинчилар эди, лекин баҳслашадиган ҳеч нарса йўқ" деб айтаман.

Алекс Фергюсон ҳам Жозе Моуриньо каби Жеррардни қўлга киритишга ҳаракат қилганди. Гарчи уларда Скоулз ва Лэмпард бўлган бўлса ҳам", - деди Каррагер Daily Mail билан суҳбатда.

Эслатиб ўтамиз, Жеррард 1998 йилдан 2015 йилгача "Ливерпул"да ўйнаган. Умумий ҳисобда ярим ҳимоячи “қизиллар” сафида 710 та ўйин ўтказиб, 186 та гол урган ва 154 та голли узатмани амалга оширган.