“Бунёдкор” – “Аделаида Юнайтед” учрашувидан олдинги матбуот анжумани якунига етгач ОФКнинг “Осиё футболи очарчиликка қарши” лойиҳаси тақдимоти бўлиб ўтди.

Ушбу лойиҳани кенг оммага тарғиб қилишда фаол иштирок этишаётган Виктор Карпенко (“Бунёдкор”) ва Южин Галекович (“Аделалида Юнайтед”) журналистлар олдида чиқиш қилишди.

- Бу лойиҳа жудаям тўғри ўйланган. Осиёда очарчиликдан жабр кўраётган инсонларга бефарқ бўлмаслигимиз керак. “Бунёдкор” ФК ва барча жамоадошларим билан ушбу лойиҳани қўллаб-қувватлаш мақсадида моддий ёрдам кўрсатмоқчимиз. Бундай ташаббус кейинчалик ҳам давом этишини истайман, - деди Виктор Карпенко.

- Бу жуда тўғри йўл. Очарчиликнинг олдини олиш учун барчамиз бирлашишимиз керак, - деди Южин Галекович.