"Реал Мадрид" президенти Флорентино Перес бош мураббий Карло Анчелотти билан эҳтимолий хайрлашиш ҳақида фикр билдирди.

"Мен бу саволларга бошқа жавоб беришни хоҳламайман. Анчелоттининг шартномаси бор, ҳамма хурсанд", - деди Перес Marca нашри билан суҳбатда.

Италиялик мураббийнинг "қироллик клуби" билан амалдаги шартномаси муддати келаси йилнинг ўрталаригача мўлжалланган. Аввалроқ мутахассис мадридликлар билан келишувни тўлиқ ишлаб чиқмоқчи эканлигини айтганди.

Анчелотти 2021 йилдан бери "қаймоқранглилар"ни бошқариб келмоқда. Унинг қўл остида жамоа ўтган йили Чемпионлар лигасида ғолиб чиқди.