Луи Саа "Манчестер Юнайтед"га "Айнтрахт" ҳужумчиси Рандал Коло-Муанини сотиб олишни маслаҳат берди.

"Менимча, у "МЮ" учун ажойиб харид бўлади. У нафақат "тўққизлик", балки ҳужум учлигида исталган позицияда ўйнай олади.

У жуда ақлли футболчи, жуда тез, яхши оёқ ҳаракати ва ақлли. У аллақачон Франция терма жамоасида Килиан Мбаппе билан яхши алоқа ўрнатган. У ҳамма нарсани тушунади.

Унда қисқа ва узоқ пасларни ўйнашга етарлича иқтидор бор, жуда ақлли ва Премьер-лигада, айниқса, Рэшфорд ва Санчо атрофида ўта хавфли бўлади. Рақиб ҳимоячиларига жуда қийин бўлади.

Коло-Муани жуда чидамли, у кун бўйи югура олади ва Эрик тен Хагга ёқадиган ўйин тизимига мос тушади. Қолаверса, унинг келажаги катта. Мавсумни машғулотларга сарфлаш мумкин ва кейинги икки-уч йил ичида у сезиларли таъсир кўрсата бошлайди. Бу мантиққа тўғри келади", - деди “Манчестер Юнайтед”нинг собиқ ҳужумчиси Daznbet нашрига берган интервьюсида.