Lui Saa "Manchester Yunayted"ga "Ayntraxt" hujumchisi Randal Kolo-Muanini sotib olishni maslahat berdi.

"Menimcha, u "MYU" uchun ajoyib xarid bo‘ladi. U nafaqat "to‘qqizlik", balki hujum uchligida istalgan pozisiyada o‘ynay oladi.

U juda aqlli futbolchi, juda tez, yaxshi oyoq harakati va aqlli. U allaqachon Fransiya terma jamoasida Kilian Mbappe bilan yaxshi aloqa o‘rnatgan. U hamma narsani tushunadi.

Unda qisqa va uzoq paslarni o‘ynashga yetarlicha iqtidor bor, juda aqlli va Premyer-ligada, ayniqsa, Reshford va Sancho atrofida o‘ta xavfli bo‘ladi. Raqib himoyachilariga juda qiyin bo‘ladi.

Kolo-Muani juda chidamli, u kun bo‘yi yugura oladi va Erik ten Xagga yoqadigan o‘yin tizimiga mos tushadi. Qolaversa, uning kelajagi katta. Mavsumni mashg‘ulotlarga sarflash mumkin va keyingi ikki-uch yil ichida u sezilarli ta’sir ko‘rsata boshlaydi. Bu mantiqqa to‘g‘ri keladi", - dedi “Manchester Yunayted”ning sobiq hujumchisi Daznbet nashriga bergan intervyusida.