"Аякс" чемпионлик учун имкониятни бой берди.

Нидерландия чемпионатининг 31-турида Амстердам жамоаси “АЗ” билан дуранг ўйнади – 0:0.

Чемпионат тугашига 3 тур қолганида “Аякс” 63 очко билан турнир жадвалида 3-ўринда бормоқда. Клуб энди пешқадам “Фейеноорд”га ета олмайди – Роттердам жамоаси 73 очко жамғарган ва битта захира ўйинга эга.

ПСВнинг чемпионлик учун имкониятлари ҳамон бор – Руд ван Нистелрой шогирдлари 31 учрашувдан сўнг 68 очко жамғарган ҳолда иккинчи ўринда бормоқда.

"Аякс" 2017/18 йилги мавсумдан бери биринчи марта Нидерландия чемпионлигини қўлга кирита олмайди. Ўшанда ПСВ чемпионат ғолибига айланганди. Шу билан бирга, 2019/20 йилги мавсум чемпион аниқланмасдан тўхтатилганини ҳам айтиш керак.