"Ливерпуль" дарвозабони Алиссон Беккер жамоа сафидаги 100-"қуруқ ўйини" ҳақида фикр билдирди.
"Умид қиламанки, менда ҳам 200 ва 300 та "қуруқ" ўйинлар бўлади, аммо шуни таъкидлаш керакки, бундай катта кўрсаткич менинг шахсий хизматларим эмас. Бу бутун жамоанинг хизматлари, чунки биз ҳаммамиз бу борада биргаликда ишлаяпмиз", - деди Алиссон клуб расмий сайтига.
30 ёшли дарвозабон 2018 йилдан бери “Ливерпуль” сафида ўйнаб келмоқда. Бу вақт ичида у барча мусобақаларда 229 та ўйин ўтказиб, ўз дарвозасидан 203 та гол ўтказиб юборган.
Юрген Клопп шогирдлари АПЛ турнир жадвалида 35-турдан кейин 62 очко билан бешинчи ўринда бормоқда.
