Англия чемпионатининг 35-тури доирасида «Манчестер Юнайтед» сафарда «Вест Хэм» клуби меҳмони бўлиб, кичик ҳисобда имкониятни бой бериб қўйди.

Учрашувдаги ягона гол Давид де Хеанинг хатоси туфайли урилди. Бенрахма томонидан 22 метрлардан йўлланган унча кучли бўлмаган зарбани испаниялик посбон қўлларидан чиқариб юборди ва тўп дарвозага кириб кетди.

"МЮ" мағлубиятли лойиқмиди? Йўқ. Чунки, жамоа жуда кўп вазиятларни юзага келтирди. Тўп "Вест Хэм" дарвозаси устунига теккан пайт ҳам бўлди. Аммо бу кеча Тен Хаг шогирдларига гол уриш насиб этмади.

Натижада "МЮ" 63 очко билан жадвалда 4-ўринда қолди. Бешинчи поғонадаги "Ливерпуль" ҳисобида 62 очко бор. Аммо манкунианликлар ҳисобида битта захира ўйини мавжуд.

Англия чемпионати, 35-тур
Вест Хэм – Манчестер Юнайтед 1:0 (1:0, 0:0)
Гол: 1:0 – 27 Бенрахма.
Вест Хэм – Фабианьски, Керер, Огбонна, Агерд, Крессуэлл (Эмерсон, 90), Соучек, Райс, Лукас Пакета (Даунс, 90), Бенрахма (Форнальс, 87), Боуэн, Антонио (Джонсон, 90).
Манчестер Юнайтед – Де Хеа, Уан-Биссака (Диогу Далот, 87), Шоу, Линделеф, Маласиа (Фред, 88), Эриксен (Забитцер, 74), Каземиро, Бруну Фернандеш, Антони (Санчо, 74), Вегорст (Марсьяль, 57), Рэшфорд.
Огоҳлантиришлар: Маласиа (36), Уан-Биссака (64).