Angliya chempionatining 35-turi doirasida «Manchester Yunayted» safarda «Vest Xem» klubi mehmoni bo‘lib, kichik hisobda imkoniyatni boy berib qo‘ydi.
Uchrashuvdagi yagona gol David de Xeaning xatosi tufayli urildi. Benraxma tomonidan 22 metrlardan yo‘llangan uncha kuchli bo‘lmagan zarbani ispaniyalik posbon qo‘llaridan chiqarib yubordi va to‘p darvozaga kirib ketdi.
"MYU" mag‘lubiyatli loyiqmidi? Yo‘q. Chunki, jamoa juda ko‘p vaziyatlarni yuzaga keltirdi. To‘p "Vest Xem" darvozasi ustuniga tekkan payt ham bo‘ldi. Ammo bu kecha Ten Xag shogirdlariga gol urish nasib etmadi.
Natijada "MYU" 63 ochko bilan jadvalda 4-o‘rinda qoldi. Beshinchi pog‘onadagi "Liverpul" hisobida 62 ochko bor. Ammo mankunianliklar hisobida bitta zaxira o‘yini mavjud.
Angliya chempionati, 35-tur
Vest Xem – Manchester Yunayted 1:0 (1:0, 0:0)
Gol: 1:0 – 27 Benraxma.
Vest Xem – Fabianski, Kerer, Ogbonna, Agerd, Kressuell (Emerson, 90), Souchek, Rays, Lukas Paketa (Dauns, 90), Benraxma (Fornals, 87), Bouen, Antonio (Djonson, 90).
Manchester Yunayted – De Xea, Uan-Bissaka (Diogu Dalot, 87), Shou, Lindelef, Malasia (Fred, 88), Eriksen (Zabitser, 74), Kazemiro, Brunu Fernandesh, Antoni (Sancho, 74), Vegorst (Marsyal, 57), Reshford.
Ogohlantirishlar: Malasia (36), Uan-Bissaka (64).