«Манчестер Юнайтед» бош мураббийи Эрик тен Хаг дарвозабон Давид де Хеанинг клубдаги келажаги ҳақида гапирди.

Голландиялик мутахассис дарвозабоннинг «қизил иблислар» сафида қолишини исташини таъкидлади.

«Биз унинг шартномасини узайтиришини истаймиз. Биз уни кейинги мавсумда биз билан бирга бўлишини истаймиз», - деди Тен Хаг. 

32 ёшли испанияликнинг «Манчестер Юнайтед» билан шартномаси шу йилнинг 30 июнига қадар тузилган.

Де Хеа «Манчестер Юнайтед»да 2011 йилдан буён тўп тепади. Жорий мавсумда у барча мусобақаларда 53 та ўйинда иштирок этиб, ўз дарвозасидан 57 та гол ўтказиб юборди ва 23 бор дарвозасини дахлсиз қолдирди.