Франция терма жамоаси ва Лондоннинг «Арсенал» клубининг афсонавий ҳужумчиси Тьерри Анри «ПСЖ» юлдузи Лионель Мессининг жазоланиши ҳақида гапирди.
35 ёшли аргентиналик футболчи икки ҳафтага жамоадан четлаштирилди.
«Менимча, «ПСЖ» Мессини клубда қолишни истамагани учун шундай жазолади. Клубда жиддийроқ воқеалар содир бўлди.
Лео бу вазиятда ҳақми? Йўқ, машғулотларни ўтказиб юборишга йўл қўйиб бўлмайди», - деди Анри.
Мессининг парижликлар билан шартномаси келаси ёзда якунига етади. Футболчининг фаолиятини давом эттириш вариантлари орасида «Барселона» ва «Ал-Ҳилол» бор.
