Fransiya terma jamoasi va Londonning «Arsenal» klubining afsonaviy hujumchisi Tyerri Anri «PSJ» yulduzi Lionel Messining jazolanishi haqida gapirdi.
35 yoshli argentinalik futbolchi ikki haftaga jamoadan chetlashtirildi.
«Menimcha, «PSJ» Messini klubda qolishni istamagani uchun shunday jazoladi. Klubda jiddiyroq voqealar sodir bo‘ldi.
Leo bu vaziyatda haqmi? Yo‘q, mashg‘ulotlarni o‘tkazib yuborishga yo‘l qo‘yib bo‘lmaydi», - dedi Anri.
Messining parijliklar bilan shartnomasi kelasi yozda yakuniga yetadi. Futbolchining faoliyatini davom ettirish variantlari orasida «Barselona» va «Al-Hilol» bor.