Мадриднинг “Реал” клуби бош мураббийи Карло Анчелотти “Манчестер Сити”га қарши эртага бўлиб ўтадиган Чемпионлар Лигаси ярим финалидаги илк ўйиндан олдинги фикрлари билан ўртоқлашди.
"Холандни қандай тўхтатиш керак? Биз у ҳақида шунчаки гапира олмаймиз. Улар бир жамоа. Биз фақат футболчини тўхтатишни ўйламаймиз. "Шаҳарликлар"ни тўхтатиб бўлмайдиганга ўхшайди. Лекин бизда имкониятлар бўлади. Биз рақобатлаша оламиз.
Испания кубогидаги ғалаба бизга эртанги кун учун мотивация беради.
Гвардиола Холанд билан ўйинини ўзгартирди? Балки озгина. Лекин ўтган мавсумда уларда Габриэль Жезус ҳам бор эди. Ҳозир улар Де Брюйне - Холанд жуфтлигини топишди, бу жуда яхши.
Эртага ярим ҳимояда ким ўйнайди? Мен ... қарор қилдим. Модрич ва бошқа ярим ҳимоячилар" - деди Анчелотти.
