Россия терма жамоасининг собиқ бош мураббийи Фабио Капелло «ПСЖ» юлдузи Лионель Месси ва Килиан Мбаппени солиштирди.

«Месси фаолияти давомида қилган ишларни яна бажаришда давом этмоқда. Лионель ақл бовар қилмас футболчи.

Аммо айни дамда Килиан ундан ўзиб кетди. Мбаппе кучли, тезкор, у кўпроқ гол уради. У Лео каби сеҳрга эга бўлмасада, яхшироқ ҳаракат қилади», - дейди италиялик мутахассис.

Месси жорий мавсум Лига 1да 28 та ўйинда майдонга тушиб, 15 та гол урди ва 15 та голли узатмани амалга оширди. Мбаппе 30 ўйинда 24 гол урди ва 4 голга ассистентлик қилган.