“ПСЖ”да ўйнаётган аргентиналик юлдуз ҳужумчи Лионель Месси келаси мавсумда фаолиятини қаерда давом эттириши ҳақида ҳали бир қарорга келмаган. L'Equipe хабарига кўра, 35 ёшли ҳужумчи Саудия Арабистонидан келган фойдали таклифни қабул қилишга шошилмаяпти, чунки у Европада юқори савияда ўйнашни давом эттирмоқчи.

Бундан ташқари, Лионелнинг рафиқаси Антонелла Рокуццо Яқин Шарққа кўчиб ўтишга қарши. У Саудия Арабистонида яшашни истамайди.

Аввалроқ Мессига Саудия клубидан рекорд таклиф тушгани ҳақида хабар берилганди.

Лионель 2021 йилнинг ёзидан буён "ПСЖ"да ўйнамоқда. Ушбу мавсум охирида ҳужумчининг парижлик гранд билан шартномаси якунига етади.