Ҳуқуқлари Дортмунднинг «Боруссия» клубига тегишли бўлган инглиз ярим ҳимоячиси Жуд Беллингем ҳозирги клуби билан янги шартнома имзолаш ниятида эмас.
Бу ҳақда Bild нашри хабар бермоқда.
«Асаларилар» футболчига 2026 йилгача янги шартнома таклиф қилган ва унинг ойлик маоши мавсумига 14 миллион еврогача кўтарилиши мумкин. Бу вариант Беллингемга мос келмади.
Жуд «Реал Мадрид»га ўтишга кўпроқ мойил. «Қироллик» клуби у билан 2029 йилгача шартнома имзолашга тайёр. Англиялик футболчига 20 миллион евро маош таклиф қилишган.
Германия чемпионатининг жорий мавсумида ярим ҳимоячи 30 та ўйин ўтказиб, 7 та гол урди ва 4 та голли узатмани амалга оширган.
