Ёши улуғларга ҳурмат ва эҳтиром кўрсатиш, уларнинг ҳолидан хабар олиш, ҳар томонлама қўллаб-қувватлаш халқимизга хос бўлган қадриятлардан биридир.
Айниқса, 9 май - Хотира ва қадрлаш куни арафасида фахрийларни эъзозлаш ва кўнглини кўтариш катта аҳамият касб этади.
Ана шу мақсадда, Ўзбекистон футбол ассоциациясида футбол фахрийлари билан учрашув ташкил этилди.
Ўзбек футболида ёрқин из қолдирган нуронийларни ЎФА раҳбарияти 9 май - Хотира ва қадрлаш куни билан табриклаб, уларга футбол жамоатчилиги номидан эзгу тилаклар билдирди.