"Бавария" "Лейпциг" ярим ҳимоячиси Дани Ольмо трансфери учун "Реал" билан рақобатлашади. Журналист Фабрицио Романонинг ёзишича, “қизил машина” келаси мавсум охирида “буқалар” билан шартномаси тугайдиган ярим ҳимоячини трансфер қилишдан манфаатдор.
Ольмо яқинда раҳбариятнинг қатъий ишонтиришларига қарамай, "Лейпциг" билан шартномасини узайтиришдан бош тортди. Дани фаолиятидаги навбатдаги қадамни ташлаб, топ-клубга ўтишни истайди.
"Лейпциг" Ольмони ёзда катта пул эвазига қўйиб юборишга рози бўладими ёки йўқми, ҳозирча номаълум. Балки Дани 2024 йилда эркин агент сифатида жамоани тарк этиши мумкин.