Жейми Каррагер Кевин де Брюйнега суперюлдуз бўлиш учун нима етишмаслигини айтди.
«Манчестер Сити» ярим ҳимоячиси Чемпионлар лигаси 1/2 финалининг «Реал»га қарши биринчи учрашувида (1:1) ҳисобни тенглаштирганди.
«Биз КДБнинг футбол хислатларига шубҳа қилмаймиз, лекин ҳар доим футболчиларни энг йирик турнирлардаги энг муҳим дақиқаларга қараб баҳолаймиз.
Шунинг учун ўйин олдидан уни «Олтин тўп»ни қўлга киритган, 5 марта Чемпионлар лигасида ғолиб чиққан ва жаҳон чемпионати финалида ўйнаган Модрич билан солиштиргандим.
Агар «Сити» финалга чиқса, биз Кевинни тарихдаги энг яхшилардан бири сифатида эътироф этамиз.
Ўйлайманки, мен ундан яхшироқ ўйинчиларни кам кўрганман ва 30-40 йилдан бери футбол томоша қиламан.
Лекин у фақат Чемпионлар лигасида ғалаба қозониши керак. Шунда у Иньеста, Хави ва Модричлар билан тенглашади», - деди «Ливерпул»нинг собиқ ҳимоячиси.
