"Лестер" ярим ҳимоячиси Жеймс Мэддисон ёзда "Ньюкасл"нинг радарига қайтади. The Telegraph хабарига кўра, "магпилар" англияликни яқинлашиб келаётган мавсум оралиғида қўлга киритиш учун катта куч сарфлайди.
"Лестер" чемпионшипга тушиб кетган тақдирда келишув жиддий соддалаштирилиши мумкин. Айни дамда Дин Смит жамоаси турнир жадвалида 18-ўринни эгаллаб, 17-поғонадан икки очко ортда қолмоқда.
Мэддисон бу мавсумда Премьер-лигада 10 та гол урди ва 9 та голли узатмани амалга оширди. 26 ёшли ярим ҳимоячи “Лестер” сафида бешинчи мавсумини ўтказмоқда.
