Англиянинг «Манчестер Сити» клуби бош мураббийи Роберто Манчини Дортмунднинг «Боруссия» клубига қарши кечган учрашувда қўлга киритилган дуранг борасида ўз фикрини билдириб ўтди.

«Биз бугун яхши футбол кўрсата олмадик. Қўлга киритилган очко учун муносиб ўйин кўрсатганимиз йўқ, аммо бу очко гуруҳ босқичидан кейинги даврага ўтиш учун ёрдам бериши мумкин».

«Боруссия» бугун бизга қараганда яхшироқ ўйнади ва ҳозирги ҳолатга улар биздан кучлироқ эди. Биз ҳар бир тўп учун охиригача курашга киришишимиз керак».

«Ўйиндан олдин «Боруссия»га чемпионлар лигасида тўпланган катта тажриба айтиб ўтгандим. Бугун бу гапим исботини топди. Бир қатор вазиятларда бугун бизни Жо Харт қутқариб қолди. У жуда-жуда яхши ўйин кўрсатди».

«Мен жамоамиздаги муаммоларни яхши биламан ва улар тез орада бартараф этилади. Агар биз ўз ўйинимизни кучайтирмасак, гуруҳ босқичидан уёғига ўтишимиз жуда қийин бўлади. Ҳеч бўлмаса бугунги очко бунга ёрдам бериши мумкин», дея Манчинининг сўзларидан иқтибос келтирмоқда «ВВС» нашри.