Дортмунднинг «Боруссия» клуби бош мураббийи Брген Клопп «Манчестер Сити»га қарши учрашувда қайд этилган 1:1 ҳисобидаги дурангдан қониқиш ҳосил қилганини таъкидлаб ўтди.

«Мен шогирдларим билан фахрланаман. Улар фантастик футбол намойиш этишди. Биз чемпионлар лигасининг ўтган мавсумдаги натижамизни такрорлашни хоҳламаймиз. Бугунги учрашув бу режадаги энг асосий ўйин эди. Биз рақиб ўта юқори савиядаги жамоа бўлишига қарамай, улар билан рақобатлаша олишимизни, ҳаттоки кучли бўлишимизни исботладик».

«Сиз «Манчестер Сити»нинг қаон охирги марта уй учрашувини бой берганини эслай оласизми? Биз бугун мана шундай натижани уддалай олишимизга бир бҳя қолганди. Дуранг — адолатли натижа. «Сити»да бир қатор яхши имкониятлар бўлди. Биргина Агуэронинг ўзи иккита вазиятдан фойдаланиши мумкин эди».

«Левандовскига имконият бериш хато? Унинг жароҳати ярага айланганди ва майдонда қийинчилик туғдириши мумкин эди. Бу ерда барча масала қандайдир доли секундларда ҳал бўлди», дея Клоппнинг сўзларидан иқтибос келтирмоқда клуб расмий сайти.