Мадриднинг “Реал” клуби яқинлашиб келаётган трансфер ойнасида “ПСЖ” ҳужумчиси Килиан Мбаппе учун курашмоқчи, дея хабар беради The Telegraph.
Манбага кўра, Мадрид клуби Дортмунднинг "Боруссия" клуби ярим ҳимоячиси Жуд Беллингемни қўлга киритишга уринишда тўхтамайди ва шунингдек Мбаппени учун ҳам бор кучини ишга солади.
Қайд этилишича, "Реал Мадрид" охир-оқибат Европа аренасида гегемонга айлана оладиган ёш жамоа тузмоқчи. Шу билан бирга, "ПСЖ" Мбаппени сотиш ниятида эмас, чунки улар ҳужумчини кўп йиллар давомида асосий етакчи сифатида кўрмоқда.
Жорий мавсумда ҳужумчи "ПСЖ" сафида барча турнирлар доирасида 39 та ўйинда майдонга тушиб, 36 та гол ва 9 та голли узатмага муаллифлик қилган. Футболчининг парижликлар клуби билан шартномаси 2025 йилнинг июнь ойи охиригача амал қилади.
