“Интер” ҳужумчиси Эдин Жеко Чемпионлар лигаси 1/2 финали биринчи ўйинида “Милан” устидан қозонилган ғалаба (2:0) ҳақида фикр билдирди.
"Чемпионлар лигасининг ярим финалида дерби. Бу ҳар куни содир бўлмайди. Яхши тайёргарлик кўрдик, концентрацияни охиригача сақлаб қолдик ва бу ўз самарасини берди. Жамоавий яхши ўйнашимни ҳамма билади. Баъзида гол уришнинг иложи бўлмайди, лекин мен нафақат гол уриш учун, балки бошқа фойда келтиришга ҳаракат қиламан. Ўйлайманки, бугун мен бундай ўйинларда қилиниши керак бўлган ишни қилдим", - дея Жеконинг сўзларидан иқтибос келтирган УЕФА матбуот хизмати.
