"Байер" дарвозабони Лукаш Градецки "Рома"га қарши Европа лигаси 1/2 финали биринчи ўйини олдидан матбуот анжуманида ўз фикрларини билдириб ўтди.
"Бундай ўйинда ўйнаганимиздан жуда хурсандмиз. Бу шахсан менинг фаолиятимдаги энг юқори чўққи. Мен майдонга тушиб, стадиондаги муҳитни ҳис қилишни сабрсизлик билан кутмоқдаман. Биз жума кунги "Кёльн"га қарши ўйиндаги мағлубиятни тезда унутмоқчимиз.
Агар мавсум бошида кимдир менга ярим финалга чиқишимизни айтганида, мен бунга ҳеч қачон ишонмаган бўлардим. Кутилмаган мағлубиятларга учрадик. Аммо энди биз хурсандмиз ва бугун ўйинда ўз маҳоратимизни кўрсатишни истаймиз", - деди Градецки УЕФА расмий сайти.
