Каталониянинг “Барселона” клуби ярим ҳимоячиси Серхио Бускетс жорий мавсум якунида жамоани тарк этади. Бу ҳақда 10 май куни клуб матбуот хизмати хабар берди.
Испаниялик тажрибали ярим ҳимоячининг трансферига тўртта клуб қизиқиш билдирмоқда. "Интер Майами", "Ан-Наср", "Аш-Шабаб" ва "Ал-Ҳилол" клублари Бускетсга шартнома таклиф қилишга тайёр.
Серхио "Барселона" академиясини тамомлаган. Ярим ҳимоячи 2008 йилдан бери асосий жамоада ўйнаб келмоқда. Унинг "кўк-анорранглилар" билан шартномаси кейинги ой охирида тугайди.
Бускетс жорий мавсумда Ла Лигада 27 та ўйин ўтказиб, 4 та гол урди. Шунингдек, ярим ҳимоячи бешта сариқ ва битта қизил карточка олди.
