"Наполи" бош мураббийи Лучано Спаллетти тез орада клуб президенти Аурелио де Лаурентис билан янги шартнома борасида учрашади. Эслатиб ўтамиз, италиялик мутахассиснинг неаполликлар билан амалдаги шартномаси келаси мавсум охирида якунига етади.
Журналист Николо Скиранинг ижтимоий тармоқларда хабар беришича, Де Лаурентис Спаллеттини 2025 йилнинг ёзига қадар жамоада сақлаб қолмоқчи. Президент навбатдаги йиғилишда мураббийга шундай таклиф билан чиқади.
Спаллетти "Наполи"даги иккинчи мавсумини ўтказмоқда. Бу даврда италиялик тарихда илк бор жамоани Чемпионлар лигаси чорак финалига олиб чиқишга муваффақ бўлди, шунингдек, 1990 йилдан бери илк Скудеттони ҳам қўлга киритди.