"Napoli" bosh murabbiyi Luchano Spalletti tez orada klub prezidenti Aurelio de Laurentis bilan yangi shartnoma borasida uchrashadi. Eslatib o‘tamiz, italiyalik mutaxassisning neapolliklar bilan amaldagi shartnomasi kelasi mavsum oxirida yakuniga yetadi.
Jurnalist Nikolo Skiraning ijtimoiy tarmoqlarda xabar berishicha, De Laurentis Spallettini 2025 yilning yoziga qadar jamoada saqlab qolmoqchi. Prezident navbatdagi yig‘ilishda murabbiyga shunday taklif bilan chiqadi.
Spalletti "Napoli"dagi ikkinchi mavsumini o‘tkazmoqda. Bu davrda italiyalik tarixda ilk bor jamoani Chempionlar ligasi chorak finaliga olib chiqishga muvaffaq bo‘ldi, shuningdek, 1990 yildan beri ilk Skudettoni ham qo‘lga kiritdi.