"Манчестер Сити" ярим ҳимоячиси Илкай Гюндоган "Барселона" томонидан жамоани текинга тарк этадиган Серхио Бускетсга ўринбосар сифатида кўрилаётгани йўқ.

Журналист Альфредо Мартинеснинг ёзишича, раҳбарият немисни бошқа позицияга олиб келмоқчи. Илкай, бош мураббий Хави Эрнандеснинг режаларига кўра, ҳимоявий ярим ҳимоячи позициясида эмас, балки ярим ҳимоядан юқорироқ жойлашади.

"Фиорентина" футболчиси Софьян Амрабат Бускетс ўрнига "Барселона"га ўтиши мумкин. Каталония клубида “Вулверхэмптон” футболчиси Рубен Невеш билан ҳам вариант бор, бироқ португалиялик ярим ҳимоячи бош мураббий Хави Эрнандесга маъқул келмаган.