"Арсенал", "Бавария" ва "Барселона" "Манчестер Сити" ҳимоячиси Жоау Канселуга даъвогарлик қилмоқда. Бу ҳақда 90min портали хабар берди.
28 ёшли ҳимоячи январь ойидан бери "Бавария"да ижара асосида тўп сурмоқда. "Бавария" ва "Манчестер Сити" ўртасидаги шартномада 70 миллион евролик сотиб олиш варианти мавжуд, аммо мюнхенликлар бу суммани жуда юқори деб ҳисоблайди.
Бундан ташқари, агар футболчи немис клуби билан тўлиқ шартнома имзоламаса, “Арсенал” ва “Барселона” клублари унинг учун курашишга тайёр.
Жорий мавсумда Канселу “Бавария” сафида 18 та ўйинда майдонга тушиб, 1 та гол урди ва 5 та голли узатмани амалга оширди.













