Мюнхеннинг “Бавария” клуби дарвозабони Янн Зоммер “Манчестер Юнайтед”га ўтиши мумкин. Эслатиб ўтамиз, қишда "қизил иблислар" швейцарияликни шартномаси ёзда якунланадиган Давид де Хеа ўрнига асосий номзодлардан бири деб билишган эди.

Журналист Кристиан Фалькнинг ёзишича, Зоммер ва "Бавария" ўртасида антиқа келишув мавжуд. Агар Мануэль Нойер жароҳатдан сўнг асосий таркибдаги ўрнини қайтариб олса, Яннга кетишга рухсат берилади. Швейцариялик посбон Евро-2024 олдидан мунтазам ўйин амалиётига эга бўлмоқчи.

Манбанинг таъкидлашича, "Манчестер Юнайтед" яна Зоммерга қизиқишни тиклаши мумкин.