"Ювентус" ҳимоячиси Леонардо Бонуччи "Ювентус" таркибида 500 та ўйин ўтказди.
Бонуччи жамоани Европа лигаси ярим финалининг "Севилья"га қарши биринчи ўйинида сардор сифатида майдонга бошлаб тушди. OPTA хабарига кўра, бу 36 ёшли футболчининг "бьянконерилар" сафидаги барча мусобақалардаги 500-ўйини бўлди.
Бонуччи бу кўрсаткичга эришган "Ювентус"нинг олтинчи футболчисига айланди. Рекорд туринликларнинг собиқ ҳужумчиси Алессандро Дель Пьерога тегишли - клуб учун 705 та ўйин.
Жанлуижи Буффон “Ювентус” сафида 685 ўйин билан иккинчи, Жоржио Кьеллини 561 баҳс билан учинчи, Гаэтано Сиреа 552 матч билан тўртинчи, Жузеппе Фурино 528 ўйин билан бешинчи ўринда.
