Чемпионлар лигаси финали Истанбулдан Лиссабонга кўчирилиши мумкин, деб хабар беради Daily Mail. УЕФА Туркияда 14 май куни бўлиб ўтиши керак бўлган президентлик сайловлари муносабати билан тартибсизликлар юзага келишидан хавотирда.
Манбага кўра, УЕФА аллақачон Португалия футбол федерациясига финални Лиссабондаги "Эштадио да Луш"да ўтказиш имконияти бўйича норасмий сўров юборган.
Аввалроқ, Чемпионлар лигаси финали коронавирус пандемияси сабабли икки марта Истанбулдан бошқа ерга кўчирилган эди: аввалига 2020 йилда, кейин эса 2021 йилда.
2023 йилги Чемпионлар лигаси финали 10 июнь куни Истанбулдаги "Отатурк" номидаги Олимпия стадионида бўлиб ўтиши режалаштирилган.
