Ла Лига президенти Хавьер Тебаснинг фикрича, Сержи Бускетснинг "Барселона"дан кетиши Лионель Мессининг эҳтимолий қайтиши учун илк қадамдир.
"Бускетснинг кетиши Мессининг қайтиши сари йўлнинг бошланиши... Лекин охирига етиш учун "Барселона" ҳали кўп йўл босиб ўтиши керак. Уларга яшил чироқ ёқадиган мен эмас, ҳаммаси иқтисодий назорат қоидаларини амалга оширишга боғлиқ", — деди Тебас.
Мавсум охирида Бускетс 18 мавсум ўтказгандан сўнг "Барселона"ни тарк этади. Унинг келажаги Мессига Саудия Арабистонида Сержи ва Жорди Альба билан бирлашишни таклиф қиладиган "Ал-Ҳилол" билан боғлиқ.
