Ўсмирлар ўртасидаги Осиё чепмпионатида энг сўнгги ўйин қолди. Эртага Ўзбекистон ва Япон терма жамоалари ўртасидаги ўйин билан мусобақага якун ясалади.

Финал олдидан тўпурарлар рўйхатини эса чорак финалдаёқ мусобақани тарк этган Жанубий Корея терма жамоаси ҳужумчиси Хванг Хи Чан бошқариб бормоқда. 10-рақамли футболчи 3та ўйинда майдонга тушиб, 5та гол уришга муваффақ бўлди.

У биринчи ўйиндаёқ КХДР дарвозасига 3та гол урганди. Иккинчи турда эса Япония дарвозабони унинг битта зарбасини ўтказиб юборди. Саудияга қарши кечган гуруҳнинг сўнгги ўйинида футболчи майдонга тушмади. Хабарингиз бор, Хи Чан Ўзбекистон ўсмирлар терма жамоаси давозасига сўнгги дақиқаларда гол уришга муваффақ бўлганди.

Табиийки, Хванг Хи Чанда мусобақадаги голлари сонини ошириш имконияти йўқ. Олти нафар футболчи эса 3тадан гол билан кейинги ўринларга эгаллаб туришибди. Аммо эртага улар орасидан фақат япониялик Таро Сугимото майдонга тушиш имкониятига эга. Япония бош мураббийи Хирофуми Йошитакенинг трансфер сиёсати ва Сугимотонинг ярим финал ўйинида майдонга тушмаганини инобатга олсак, у Ўзбекистонга қарши финал баҳсида асосий таркибда майдонга тушиши мумкин. Таро Сугимото тўпурарга бериладиган шахсий совринни қўлга киритиши учун финалда 3та гол уриши лозим.

Ўзбекистон ўсмирлар терма жамоаси қитъа чемпионатида 8та гол киритди ва голлар 8 нафар футболчи ҳисобига ёзилган. Улар: Муҳиддин Одилов, Иброҳим Абдуллаев (пенальти), Илҳом Абдуғаниев, Жамшид Болтабоев, Акобир Тўраев, Достонбек Ҳамдамов, Иззатилла Абдуллаев, Отабек Шукуров.