Германиялик мутахассис Юлиан Нагельсманн 2022/23-йилги мавсум якунида “Тоттенхэм” бош мураббийи этиб тайинланмайди, деб хабар беради Sky Sports.
Манбага кўра, Лондон клуби раҳбарияти Нагельсманнни муносиб мураббий деб ҳисобламайди, улар у билан боғланишмаган ва яқин келажакда ҳам алоқага чиқишни режалаштирмаяпти.
5 май куни ОАВ "Тоттенхэм" яқин кунларда Нагельсманн билан музокара ўтказишни режалаштираётгани ҳақида хабар тарқатганди.
"Тоттенхэм" март ойи охирида Антонио Контени истеъфога чиқарганини эълон қилди. Шундан сўнг жамоани вақтинча италиялик собиқ ёрдамчи Кристиан Стеллини бошқарган бўлса-да, бир ой ўтиб у клубни тарк этди. Раян Мейсон ҳозирда "шпорлар" бош мураббийи.
34 турдан кейин лондонликлар АПЛ турнир жадвалида 54 очко билан 7-ўринда бормоқда.
