“Шўртан” клубининг етакчи футболчиларидан бири бўлган Игорь Таран Ўзбекистон миллий терма жамоаси бош мураббийи Миржалол Қосимов томонидан терма жамоанинг навбатдаги йиғинига чақирилди.

Таран 9 октябрь куни терма жамоа ихтиёрига етиб боради ва 10-13 октябр кунлари терманинг Дубайда бўлиб ўтадиган йиғинида иштирок этади. Бу ерда улар Бирлашган Араб Амирликлари терма жамоаси билан ўртоқлик учрашувини ўтказишади ва 16 октябр куни Дохада 2014 йилги жаҳон чемпионати саралашининг якуний босқичи 4-туридан ўрин олган Қатар терма жамоасига қарши ўйинда қатнашишади.

Таъкидлаш жоизки, Игорь Таран “Шўртан”да ўзига билдирилган ишончни оқлаб келмоқда ва ҳақиқий етакчиларга хос бўлган ўйин намойиш этмоқда. Шунингдек, у бу мавсумда ҳам бир неча бор жамоаси учун муҳим бўлган голларга муаллифлик қилди ва тўпурарлар баҳсида “Нефтчи” вакили Анвар Бердиевга ҳақиқий рақобатчи бўлиб турибди. Тараннинг ўйинлари терма жамоа мураббийлари эътиборини ҳам ўзига жалб этган ва миллий терма жамоамизнинг катта мураббийи Шуҳрат Мақсудов “Олмалиқ”-“Шўртан” учрашувида Игорнинг ҳаракатларини бевосита стадионда кузатганди.