"Манчестер Юнайтед" "Вест Хэм" ва Англия терма жамоаси ярим ҳимоячиси Деклан Райсга қизиқиш билдирмоқда, деб хабар беради The Guardian.
Манбанинг хабарига кўра, манкунианликлар ёзги трансфер ойнасида футболчини сотиб олиш вариантини кўриб чиқмоқда. Лондонликлар футболчини сотишга тайёр, аммо унинг учун 120 миллион евро олишни исташмоқда. Олдинроқ ярим ҳимоячига "Арсенал" ҳам қизиқиш билдираётгани хабар қилинганди.
24 ёшли Райс жорий мавсумда “Вест Хэм” сафида барча турнирларда 45 та ўйинда майдонга тушиб, 4 та гол урди ва 4 та голли узатмани амалга оширди. Унинг клуб билан шартномаси 2024 йилнинг ёзига қадар амал қилади ва у яна бир йилга узайтирилиши мумкин.
