"Астон Вилла"нинг янги спорт директори Матеу Алемани жамоани кучайтириш учун бир нечта номзодларни аниқлаб бўлди. Diario AS хабарига кўра, мутахассиснинг номзодлар рўйхатидан "Реал" ярим ҳимоячиси Марко Асенсио, "Вильярреал" ярим ҳимоячиси Алекс Баена ва "Барселона" ҳужумчиси Ферран Торреслар бор.
Асенсио мавсум охирида "Реал" билан шартномасини янгиламаса, эркин агентга айланиши мумкин, аммо Марконинг "Астон Вилла"га ўтишга рози бўлиши ҳали аниқ эмас. Баена илгари Унаи Эмери қўл остида "Вильярреал"да ўйнаган, шунинг учун менежер билан танишиш шартномани ёпишга ёрдам бериши мумкин эди. Торресга келсак, "Барселона" Ферранни сотмоқчи, футболчининг ўзи эса Премьер-лигага қайтишга қарши эмасдек.
