«Фрайбург» ҳимоячиси Кристиан Гюнтер бугун жамоасининг «Унион Берлин»га қарши ўйинида майдонга тушди.
Шу тариқа, немис футболчиси «Фрайбург» сафида Бундеслигада 300 та ўйин ўтказган биринчи футболчига айланди, деб хабар беради Opta.
Гюнтер «Фрайбург» тарбияланувчиси ва катталар даражасида 30 ёшли ҳимоячи 2012 йилдан бери доимий равишда жамоада ўйнаб келмоқда.
Эътиборлиси, фақатгина «Бавария»дан Томас Мюллер ва «Вольфсбург» аъзоси Максимилиан Арнольд ўзларининг ҳозирги клуби сафида Бундеслигада кўпроқ ўйин ўтказган - мос равишда 320 ва 313 та.
