"Манчестер Юнайтед" ҳужумчиси Алехандро Гарначо Англия Премьер-лигасининг 36-туридан ўрин олган "Вулверхэмптон"га қарши ўйиннинг 82-дақиқасида Жейдон Санчо ўрнига майдонга тушиб, рақиб дарвозасини ишғол этди.
Майдонга кирганидан 12 дақиқа ўтиб Гарначо гол урди.
Бу ўйинчи учун икки ой ичида биринчи учрашуви бўлди. Аввалги сафар у 27-тур доирасидаги "Саутгемптон" билан ўйинда (0:0) майдонга тушганди. Кейинчалик Гарначо жароҳати сабаб 13 ўйинни ўтказиб юборди.
Гарначо ушбу мавсумда жамоа сафида Англия Премьер-лигасида 16 та ўйинда майдонга тушди. 18 ёшли футболчини Transfermarkt портали 25 млн еврога баҳолаган. Апрель ойида "МЮ" Алехандро билан шартномани 2028 йилгача узайтирди.