"Машъал" мавсумнинг сўнгги қисмида ўз уйидаги ўйинлардан унумли фойдаланиб, очко йиғишда давом этди ва бугун "Динамо"ни кичик ҳисобда мағлуб этиб, 11-ўринга кўтарлиб олди.
Ўйиндаги биринчи гол ўйиннинг 33-дақиқасида Самандар Шодмонов томонидан киритилган бўлса, Павел Соломин ҳакам томонидан иккинчи бўлимга қўшиб берилган дақиқаларда ўйин тақдирини ҳал қилган гол муаллифига айланди.
Энди муборакликлар очколар бўйича "Қизилқум"га тенглашиб олган бўлсаларда, зарафшонликларда ва ҳозирча "Машъал"дан ортда қолаётган "Металлург" ва "Навбаҳор" ҳисобида ҳали биттадан ўйин бор. Дарвоқе, айнан "Навбаҳор" эртага ўз майдонида "Металлург"ни қабул қилади. Хуллас, Олий лигада қолиш учун кураш кескин кечади.
Олий лига. 22-тур
"Машъал" - "Динамо" - 2:0 (1:0)
Гол: Самандар Шодмонов (33), Павел Соломин (90+1)