Олий лиганинг 22-туридан ўрин олган марказий учрашувларидан бирида Тошкентнинг «Пахтакор» клуби «Нефтчи»ни қабул қилди. Бошқачароқ айтадиган бўлсак, «ўзбекча эл-класико» 22-турга тўғри келди.
Ўйиннинг 3-дақиқасидаёқ Азиз Алижонов дарвозабон билан бирга бир вазиятда Лобановни доғда қолдира олмади! Жавоб ҳужуми оқибатида "Пахтакор" бурчак тўпи ишлади ва ушбу стандарт вазият охир-оқибат гол билан якунланди. Алижонов эплолмаган ишни Темурхўжа Абдухолиқов осонлик билан уддалади.
10-дақиқага келиб Кахи Махарадзе ҳисобдаги фарқни иккитага оширди. Шерзод Каримовдан тўпни қабул қилиб олган Кахи бир ҳаракат билан икки рақиб ҳимоячисини ортда қолдирди ва дарвозани ишғол қилган ҳолда ҳисобдаги фарқ иккитага оширди.
Иккинчи бўлимда эа яна Темурхўжа Абҳолиқов Станислав Андреевнинг пасидан кейин ўзининг дублини нишонлади. Анвар Бердиев эса Гор Кримецнинг қўполлигидан кейин белгиланган пенальтини аниқ амалга ошира олмади.
Олий лига
22-тур
ПАХТАКОР – НЕФТЧИ 3:0 (2:0)
Голлар: Темурхўжа Абдухолиқов (4, 57), Кахи Махарадзе (10).
«Пахтакор»: 12. Александр Лобанов, 2. Егор Кримец, 5. Акбар Исматуллаев, 7. Кахи Махарадзе (34. Кахи Махарадзе, 76), 9. Темурхўжа Абдухолиқов, 13. Александр Клецков, 14. Шерзод Каримов (23. Алишер Азизов, 89), 24. Даврон Ҳошимов (15. Арам Бабаян, 90+2), 26. Дилшод Шарофетдинов, 27. Илҳом Суюнов, 28. Станислав Андреев.
«Нефтчи»: 1. Хислат Чилматов (46. Хуршид Хўжаев, 19), 2. Фахриддин Холмуродов, 3. Шукурали Пўлатов, 4. Ойбек Нурбоев, 6. Бахтиёр Ёқубов (15. Сардор Сойипов, 79), 7. Мансур Саидов, 8. Азиз Алижонов, 10. Анвар Бердиев, 13. Санжар Асқаралиев, 14. Жавлон Гусейнов, 17. Сардор Мирзаев (19. Шерзод Ҳакимов, 71).
Огоҳлантиришлар: Даврон Ҳошимов 43, Илҳом Суюнов 70, Егор Кримец, 90+3 - Фахриддин Холмуродов 15, Жавлон Гусейнов 40, Азиз Алижонов 53.
Амалга оширилмаган пенальти: Анвар Бердиев (71)
Ҳакамлар: А. Асимов (Тошкент), А. Миронов (Тошкент), Ф. Ҳасанов (Наманган), А. Раҳимов (Андижон).
Назоратчи: С. Нажафалиев (Тошкент).