Англия премьер-лигасининг 36-тури доирасида Лондоннинг «Челси» клуби ўз майдонида «Кристал Пэлас»ни қабул қилди. Учрашув 2:2 ҳисобида дуранг билан якунланди.
Қайд этиш жоиз, «аристократлар» ўз майдонидаги ғалабасиз серияни кетма-кет олтита ўйинга етказишди. «Челси» 28 йил ичида биринчи марта кетма-кет олтита уй учрашувида ғалаба қозона олмади.
Ўтказилган 35 ўйиндан сўнг Фрэнк Лэмпард шогирдлари 43 очко тўплашди ва Англия чемпионати турнир жадвалида 11-поғонадан жой олишди.
«Челси» навбатдаги ўйинда «Манчестер Сити»га қарши майдонга тушади. Баҳс 21 май, якшанба куни «Этиҳад»да бўлиб ўтади.
