Мадриднинг “Реал” клуби ёзги трансфер ойнасида ПСЖ билан ҳужумчи Килиан Мбаппе борасида музокаралар олиб бормайди, дея хабар беради Marca.
Қайд этилишича, футболчининг маоши катта бўлгани учун 2023 йилда футболчининг трансферини амалга ошириш мумкин эмас.
Вазият фақат 2024 йилда ўзгариши мумкин, агар француз шартнома муддати тугашига бир йил қолганида клубни тарк этишга қарор қилса.
2022 йилда Мбаппе "Реал"га ўтиши мумкин эди, аммо сўнгги дақиқада "ПСЖ" билан шартномасини узайтирди.
24 ёшли ҳужумчи жорий мавсумда 40 та ўйин ўтказиб, 38 та гол урди ва 9 та голли узатмани амалга оширди. Transfermarkt порталига кўра футболчининг нархи 180 миллион еврога баҳоланмоқда.