"Реал" ярим ҳимоячиси Федерико Вальверде "қироллик клуби" сафидаги 200-учрашувини ўтказди.
Бу Испания чемпионатининг 34-туридан ўрин олган "Хетафе"га қарши ўйинда (1:0) юз берди.
Ярим ҳимоячи "қаймоқранглилар" сафида Хосе Сантамариядан (337) кейин 200 та ўйин ўтказган иккинчи уругвайлик футболчига айланди.
24 ёшли футболчи 2016 йилда “Реал”га “Пеньярол”дан 5 миллион евро эвазига сотиб олинган, бироқ 2018 йилдагина асосий жамоада дебют қилганди.
Феде шу вақт ичида жамоа сафида 18 та гол ва 14 та голли узатмани амалга оширди.
