“Барселона”нинг собиқ ўйинчиси Ривалдо бу сафарги “эл-классико”ни кўриш учун “Ноу-камп”га ташриф буюради. Ўйиндан олдин бразилиялик футболчи “Barсa” TV га интервью берди.
“Ўйин қаттиқ, жуда қийин бўлади ва сен ҳеч қачон нима бўлишини аниқ билмайсан. Чунки “Реал Мадрид” кучли жамоа, бундан ташқари ўтган мавсумда “Ноу-Камп”да ғалаба қозонгандилар. Лекин уйда ўйнаётганликлари сабабли, менимча, “эл-классико”да “Барселона” ғалаба қозонади”.
“Мен ҳали ҳам “Барселона”нинг ўйинларини ТВда кўришни ёқтираман. Улар ажойиб жамоа ва ўйлайманки, яқин орада яна бир қанча совринларни қўлга кирита оладилар”.
“Виланова ҳам Гвардиоладан сўнг мукаммал иш олиб бормоқда. Тито ҳам “Барселона”ни совринлар сари етаклай олади. Менга кўпроқ Месси ёқади: футболчи сифатида ҳам, инсон сифатида ҳам. Камтар бўлган футболчилар менга ёқади. Месси ҳам унинг жамоадошлари ҳам камтар. Шунинг учун мен уларнинг ҳаммасини ёқтираман, шунинг учун улар кўплаб муваффақиятларга эришяптилар”, - дейди Ривалдо.