"Барселона" президенти Жоан Лапорта жамоа чемпионлиги ҳақидаги фикрларини билдириб ўтди.

Хави Эрнандес жамоаси Ла Лиганинг 34-тури доирасидаги учрашувда "Эспаньол"ни мағлуб этиб, таъқибчилар учун етиб бўлмас фарқни юзага келтирди. Мавсум якунига тўртта ўйин қолганида "Реал Мадрид" билан орадаги фарқ 14 очко.

"Бу тарихий ғалаба", - дейди Лапорта, испан ОАВларига. - Бу мавсум хотирамизда узоқ вақт сақланиб қолади, чунки у бизга "Барселона"нинг янги давридаги биринчи лига чемпионлигини келтирди. Хави бошчилигида жамоа яна бир бор ғалаба қозониш менталитетини шакллантирди", - дея ҳайратда қолди клуб раҳбари.