Каталониянинг "Барселона" клуби марказий ҳимоячиси Андреас Кристенсен жамоасининг Испания чемпионатидаги ғалабасидан сўнг ўз ҳис-туйғулари билан ўртоқлашди.
Эслатиб ўтамиз, аввалроқ даниялик футболчи "кўк-анорранглилар" таркибида Испания Суперкубогини қўлга киритган эди.
"Барселона"даги биринчи мавсумимда иккита соврин ютганимдан жуда хурсандман. Бу ақл бовар қилмайдиган нарса" - деди Кристенсен "Эспаньол" жамоасида устидан қозонилган ғалабадан кейин берган интервьюсида.
Аввалроқ Кристенсен келаси ёзда кетиши мумкинлиги ҳақида хабар берилган эди. Андреас ўз клубининг асосий марказий ҳимоячиси, аммо молиявий муаммоларни ҳал қилиш учун раҳбариятга пул керак.
Кристенсен ўтган ёзда "Челси"дан "Барселона"га текинга ўтган эди.
