"Барселона" марказий ҳимоячиси Андреас Кристенсен Каталония жамоасига ўтганидан ҳеч қачон афсусланмаслигини айтди. Эслатиб ўтамиз, даниялик ўзининг дебют мавсумида "кўк-анорранглилар" билан Испания чемпионлиги ва Суперкубогини қўлга киритди.
“Барселона”га ўтганимдан ҳеч қачон афсусланмадим. Жамоадаги биринчи кунимда орзуим ушалди, десам, ёлғон гапирмадим”, деди Кристенсен Каталония дербисида “Эспаньол”ни мағлуб этганидан кейин берган интервьюсида.
Фаолиятининг олдинги йилларида Кристенсен ўтган мавсумда Чемпионлар лигасида ғолиб чиққан Лондоннинг "Челси" клубида, шунингдек "Боруссия Мёнхенгладбах" сафида ҳаракат қилган.
